වනරොප සූත්‍රය ඇසුරින් හා ජරා සුත්‍රය සරලව

යම් කෙනෙක්,

🔸වන වගා කරයි ද

🔸උයන් වතු වගා කරයි ද

🔸පාලම්, ඒදඬු කරයි ද

🔸පැන් හල්, වැව් පොකුණු කරයි ද

🔸වාසස්ථානත් දෙයි ද

දිවා රෑ සෑම කල ඔවුන්ගේ පින් වැඩෙයි.
ධර්මයේ පිහිටන ඒ සිල්වත්හු මරණින් මතු දෙව් ලොව යති.

වනරොප සූත්‍රය ඇසුරින්

(බුද්ධ ජයන්ති ත්‍රිපිටක ග්‍රන්ථ මාලා, සංයුක්ත නිකාය 1, පිටු අංක 60 -61)

---

දිනක් එක්තරා දෙවියෙක්
බුදුරජාණන්වහන්සේ හමුවට පැමිණ එකත් පස්ව හිට වන්දනා නමස්කාර කර මෙසේ ඇසුවා,

ස්වාමිනි භාග්‍යවතුන්වහන්ස,

🔸වයසට යනකල්ම මොකක්ද කරන්න හොඳ?

🔸කුමක පිහිටියම ද හොඳ?

🔸මනුෂ්‍යයාට තියෙන මැණික
කුමක්ද?

🔸සොරැන්ට ගන්න බැරි වස්තුව
කුමක්ද?

තථාගතයාණන්වහන්සේ ඒ දෙවියාට මෙසේ පිළිතුරු දි වදාළා,

🔹වයසට යනකල්ම ශිලයයි හොඳ.

🔹ශ්‍රද්ධාවේ පිහිටිම ම හොඳ.

🔹මනුෂ්‍යයාට තියෙන මැණික ශ්‍රද්ධාවයි.

🔹සොරුන්ට ගන්න බැරි වස්තුව පිනයි."

කියා වදාළා අපගේ භාග්‍යවත් අරහත් සම්මා සම්බුදුරජාණන්වහන්සේ.

ජරා සුත්‍රය (සංයුක්ත නිකාය)

(උපුටාගැනීම - dhamma_chakku instagram පිටුවෙන්)