🌸🙏🏼 පින්වත් ස්වාමීන් වහන්ස, “එකොළොස් ගිනි” යනුවෙන් ධර්මයේ හඳුන්වන්නේ කුමක් ගැන ද?

භාග්‍යවතුන් වහන්සේ විසින් උරුවේල කාශ්‍යප, ගයා කාශ්‍යප, නදී කාශ්‍යප ස්වාමීන් වහන්සේලා ප්‍රමුඛ දහසක් භික්ෂු පිරිස අරහත්වයට පත් කරවමින් දේශනා කරන්නට යෙදුණු “ආදිත්ත පරියාය” සූත්‍රයේ දී මේ එකොළොස් ගිනි ගැන පැහැදිලි ව සඳහන් වෙනවා. ඒවා නම් රාග ගින්න, ද්වේෂ ගින්න, මෝහ ගින්න, ජාති ගින්න, ජරා ගින්න, මරණ ගින්න, ශෝක ගින්න, පරිදේව ගින්න, දුක් ගින්න, දෝමනස්ස ගින්න, උපායාස ගින්න යන එකොළොසයි. ඇස, කන, නාසය, දිව, කය, මනස යන ආයතනයන්ගෙන් සමන්විත මේ ජීවිතය මේ එකොළොස් ගින්නෙන් දැවෙන බව භාග්‍යවතුන් වහන්සේ පෙන්වා වදාළා. තෙරුවන් සරණෙහි පිහිටා සීල, සමාධි, ප්‍රඥා වශයෙන් ධර්ම මාර්ගය දියුණු කිරීමෙන් පමණයි මේ ගිනි නිවාගත හැක්කේ. වරක් විශාඛා උපාසිකාවගේ යෙහෙළියන් පන්සියයක් මත්පැන් බී ගී ගයමින් නටන විට ඔවුන් ව දමනය කිරීම පිණිස ඝන අඳුරක් මැවූ භාග්‍යවතුන් වහන්සේ මෙසේ දේශනා කළා.